سهعید عهلی عهبو: دڤێت راگههاندن ئهرك و مافێت خهلكى نیشا بدهت و زێدهگاڤیا بهرچاڤ بكهت |
|
سهعید عهلی عهب |
دیدار: ئیبراهیم دێرگژنیكی
د دیدارهكێ دا ماموستا سهعید عهلى عهبو بهرپرسێ نڤیسینگهها دهوك یا مهكتهبا سیاسى یا یهكگرتوو دگهل سایتیچ یهكگرتوو و حهفتیناما رهسهن ئاماژه ب سیمایێت گوتارا یهكگرتوو ل پروپاكندا ههلبژارتنان و پروژهیێ یهكگرتوو د ڤان ههلبژارتنان دا و رولێ كوتلا یهكگرتوو د خولا چویی یا پهرلهمانێ عیراقێ و ل دور ڤێ چهندێ گوت " ئهندامێت كوتلا یهكگرتووى ئیسلامیى كوردستان د جڤاتا نوینهرێت عیراقێ دا زور دلسوز و كارا بوینه و د بهرنیاسن و د سهنگهرێ بهرهڤانیكرنێ دا بوینه ژ مافێت مللهتى كورد دا" ل دور رولێ راگههاندنێ د ههوا پروپاكندا ههلبژارتنان دا ماموستا سهعید عهلی عهبو دیاركر "راگههاندن د ههمى واراندا كارگهریا خو ههیه چ چاڤدێر بیت ل سهر ئهدائا حوكمهتێ و ئالیێت سیاسى و رهوشهنبیركرنا جڤاكى، ههروهسا رولێ خو یێ گرنگ ههیه د ههلبژارتناندا ئهرك و مافێت خهلكى نیشا بدهت و زێدهگاڤیا بهرچاڤ بكهت".
ئهندامێ مهكتهبا سیاسی یا یهكگرتوو گوت " زوربهى دهزگههێت راگههاندنێ ل ژێر كونترولا حزباندانه ب تایبهتى ل پارێزگهها دهوكێ، هڤیا من ئهوه ههمی دهزگههێت راگههاندنێ رولێ خۆ یێ ئهرێنی بگێرن".
سایتێ یهكگرتوو: سیمایێت گوتارا یهكگرتوو ل پروپاگندهیا ههلبژارتنان چنه ؟
سهعید عهلى: بهرنامێ یهكگرتووى ئیسلامیى كوردستان یێ ههلبژارتنێت ب تێر و تهسهلى بهحسێ ئاریشێت عیراقێ كریه وچهوانیا چارهسهركرنێ ب كورتى.
سایتێ یهكگرتوو: ب كورتى پروژهیێ یهكگرتوو ل پروپاكندهیا ههلبژارتنێت عیراقێ چیه؟
سهعید عهلى: ب ناڤێ خودایێ مهزن و دلوڤان.. دهست پێ دكهت پێشڤهبرنا عیراقێ ژ ههمى ئالیانڤه ب دیتنا یهكگرتوو د چهند خالهكاندا وهك نامهك بو ههمى دهنگدهران و ب تایبهت جهماوهرێ كوردستانێ.
ـ بنهجهكرنا بنهمایێت دیموكراستى و دهولهتا قانونێ و دهستور وهك سهروكانیهك بو ههمى تشتان.
ـ چارهسهكرنا برسگریكێت دناڤبهرا ههرێمێ و حوكمهتا عیراقا فیدرال ل دویڤ دهستورى.
ب جهئینانێ ماددێ (140) و كهركوكێ و دهڤهرێت ڤهقهتیاى ژ كوردستانێ.
ـ نههێلانا گهندهلیێ، داهاتیێ عیراقێ د بهرژهوهندا خهلكێ وان بهێته بكارئینان.. هندهك ژ داهاتیێ نهفتێ ل سهر خهلكى بهێته دابهشكرن.
ـ بهرهڤانى ژ دهستكهفتیێت دهستوورى یێت خهلكێ كوردستانێ و راوهستان دژى وان ههمى پێكولان كو دهستكهفتیێت كوردستانێ كێم بكهن.
ئهڤه وهك كورتیهك ژ پروژێ یهكگرتوو و پروژیێ ب درێژاهى بهحسێ ههمى بابهتان كریه وهك:
ـ دهستوور. سیستهمێ حوكمرانیێ، پهیوهندیێت دهولى، ئابورى، ژێدهرێت ئابورى و بهرههمێت سروشتى وچهوا پێشئێخستنا ئابورێ.. پێشكێشكرنا خزمهتان، چاككرنا ژێرخانا عیراقێ (ئاڤ ـ كارهب ـ ئاقار ڤهگوهاستن و گههاندن).. دژاتیا ههژاریێ، خوشكرنا ژیانا خهلكى، دابینكرنا جهێ ئاكنجیبونێ و دیتنا دهلیڤێت كارى بو خهلكى، نههێلانا بێ كاریێ. باشى بكارئینانا نهفت و گازان ههروهسا. پێشڤهبرنا كهرتێ گشتوكالى، پێشڤهبرنا پیشهسازى، پێشڤهبرنا سیتسهمێ پهورهرده و فێركرنێ زێدهكرنا بسپوران و وزهیهكا كاریگهر و ژینگهههكا پاقژ. ب جهئینانا ئێمناهیا جڤاكى، پیتهدان ب ژن و گهنج و زاروكان، گرنگیدان ب جهێت گهشت و گوزارى و كهلتورى و دانانا مهلبهندێت شروڤهكرنێ و .... هتد.
ئهڤه كورتیهكا چر و پر بو ل دور پروژهیێ یهكگرتووى ئیسلامیى كوردستان.
سایتێ یهكگرتوو: ئهرێ تو دبینى پروپاكندهیا ههلبژارتنان ل ڤێ گهرێ دێ بهرف توند و تیژیێ ڤهچیت؟
سهعید عهلى: راگههاندنا ئازاد تا رادهكى ل عیراقێ پهیدا بویه ههروهسا ل كوردستانێ ژى، ئهڤ جهێ سهرفهرازیێ یه، بهلێ ل دهوكێ راگههاندنا ئازاد نینه، ئهگهر ئێك خو ب راگههاندنا ئازاد ژى ل قهلهم بدهت ب دیتنا من وهكى نهعامێ یه ههر د بن سانسورا حزبان دایه، بهلێ ههر دبێژم راگههاندنێ رولهكى مهزن یێ ههى ژ بو رهوشهنبیركرنا جهماوهرى و نیشاندانا گرنگیا ههلبژارتنان.
سایتێ یهكگرتوو: یهكگرتوو چهند شیایه رولێ خو ببینیت دپهرلهمانێ عیراقێ دا و بهرهڤانییێ ژ مافێت مللهتێ كورد بكهت؟
سهعید عهلى: ئهندامێت كوتلا یهكگرتووى ئیسلامیى كوردستان د جڤاتا نوینهرێت عیراقێ دا زور دلسوز و كارا بوینه و د بهرنیاسن و د سهنگهرێ بهرهڤانیكرنێ دا بوینه ژ مافێت مللهتێ كورد. دویر و نێزیك شادههیى بو ڤێ چهندێ دایه.
سایتێ یهكگرتوو: ب دیتنا ته رولێ دهزگههێت راگههاندنێ دڤێت یى چهوا بیت ل دهمێ پروپاكندهیا ههلبژارتنان نهخاسمه پتر ئهركێ پروپاكندهیێ دكهڤیته سهر ملێت وان.
سهعید عهلى: راگههاندنێ د ههمى واراندا كاریگهریا خو ههیه، چ چاڤدێر بیت ل سهر ئهدائا حوكمهتێ و ئالیێت سیاسى و رهوشهنبیركرنا جڤاكى، ههروهسا رولێ خو یێ گرنگ ههیه د ههلبژارتناندا و ئهرك و مافێت خهلكى نیشا بدهت و زێدهگاڤیا بهرچاڤ بكهت.. ههر چهنده زوربهى دهزگههێت راگههاندنێ ل ژێر كونترولا حزباندانه، ب تایبهتى ل پارێزگهها دهوكێ، هیڤیا من ئهوه راگههاندن ههر چهوا بیت ب رولێ خو یێ ئهرێنى رابیت.
|
