مه‌زنترین ئه‌رك و گرنگى و خه‌بات مروڤێ بوسلمان د ژیانا خودا بكه‌ت و هه‌مى شیانێن خوه‌و هه‌مى حه‌ز و ڤیانێن خوه‌بۆ ته‌رخان بكه‌ت ، ده‌مێ ژدل دبیته‌رێڤینگێ رێكا خودێ گومان تێدا نینه‌كۆ رێكا خودێ ب ره‌نگه‌كێ روهن و ئاشكه‌را یا هاتیه‌دیاركرن دناڤ زانست و ره‌وشنبیرییا ئیسلامێ دا ب ره‌نگه‌كێ گشتى هه‌روه‌سا د قورئان و فه‌رمودێن خوشتڤى دا سلاڤێن خودێ لسه‌ر بن ب ره‌نگه‌كێ تایبه‌ت

ب دیتنا من پێتڤى یه‌لسه‌ر هه‌ر كه‌سه‌كێ بوسلمان و ئیماندار هه‌مى بزاڤا بكه‌تن خوه‌د رێكا خودێدا ره‌وشه‌نبیر بكه‌ت هه‌روه‌سا وان شه‌نگسته‌ و پالده‌ران لده‌ف خوه‌په‌یدا بكه‌ت یێن ب دروستى مروڤى د رێكا خودێ د گه‌هینن چونكى هه‌ر ئه‌و دێ بنه‌رێخوشكه‌ر مروڤى ب ئارمانجێن مروڤى یێن هه‌ردوو ژیانا را بگه‌هینن به‌لێ پێتڤى یه‌ئه‌م ب هه‌مى بیر و باوه‌ر ب راسته‌قینه‌بزانین رێڤینگى یا رێكا خودێ بۆ بوسلمانى ب چ ده‌ست پێدكه‌ت و چه‌وا مروڤێ بوسلمان ب ره‌نگه‌كێ ئاسایى و ساده‌دێ بیته‌بوسلمانه‌كێ خودان باوه‌ریه‌كا كویر و ب یه‌قین سه‌ره‌ده‌ریێ دگه‌ل دینێ خوه‌بكه‌ت؟!

چه‌وا مروڤێ بوسلمان دێ گه‌هیته‌وى ئاستى رێبازا وى ببیته‌ ناڤه‌روكا ژیانا وى هه‌روه‌سا چه‌وا ژیانا مروڤێ بوسلمان دێ ئێته‌تام دان ژ هه‌مى مه‌یدانان ب خه‌مل و جوانییا ئیسلامێ

· دڤێت ئه‌م بزانین ئیسلامه‌تى ب هه‌مى هزر و بیر ڤه‌, هه‌روه‌سا ب هه‌مى ژێده‌رێن خوه‌ڤه‌لگه‌ل هندێ یه‌كۆ ئه‌ڤ رێڤینگى یه‌ژ ناڤخویێ مروڤى ده‌ست پێدكه‌ت ئانكو ژ روحێ و دلى و ده‌رونێ و مێشكى ده‌ست پێ دكه‌ت ب شێوازه‌كێ دى ژ راسته‌قینه‌یا كه‌سایه‌تییا مروڤى ده‌ست پێدكه‌ت

یێ ببیته‌رێڤینگێ ڤێ رێكێ دڤێت پێنگاڤا ب روحا خوه‌پاێژیت هه‌لوێستا ب هه‌ستا خوه‌تومار بكه‌تن و قیبله‌گه‌ها دلێ خوه‌بكه‌ته‌رازیبونا خودێ

ئه‌ڤ چه‌نده‌مه‌زنترین و موكم ترین و ب هێزترین پێنگاڤ مروڤێ بوسلمان د ژیانا خوه‌دا پاڤێت ده‌مێ رێڤینگى یا خوه‌دگه‌ل خودێ ب ڤى شێوه‌ى ده‌ست پێبكه‌ت،چونكى گومان تێدا نینه‌هه‌مى كریارێن مروڤى لڤینا مروڤى ئه‌ندامێن له‌شێ مروڤى دێ بنه‌پشته‌ڤان بۆ ڤێ بوچونێ هه‌روه‌سا گومان تێدا نینه‌ ناڤخویێ مروڤى یه‌بهه‌مى شه‌نگستێن خوڤه‌كونترولێ لسه‌ر ژیانا مروڤى دكه‌ت چ ب باشى و چ ب خرابى..

به‌لێ پێتڤى یه‌ئه‌م ئاماژه‌ب وان پێنگاڤا بكه‌ین ئه‌وێن مروڤ ب سه‌رپه‌رشتییا روحا خو به‌ره‌ف خودێ ڤه‌دهاڤێژیت.

1- پێتڤى یه‌مروڤ ب ره‌نگه‌كێ به‌رده‌وام پێداچون و لێ زڤرینا لسه‌ر هه‌مى مه‌به‌ستێن خوه‌بكه‌ت و ب رژدى ب رازیبوونا خودێ ڤه‌گرێده‌ت.

2- دڤێت هه‌مى بزاڤا بكه‌ت لبن چ كاودانا قیبله‌گه‌ها وى یا روحى نه‌ئێته‌ڤه‌گوهاستن ئانكۆ شه‌هوه‌ت و به‌رژه‌وه‌ندى و سه‌رداچوون كارتێكرنێ لێ نه‌كه‌ن به‌رێ وى ژ دڵسوزى و رازیبونا خودێ ڤه‌گوهێزن.

3- ده‌مێ به‌رنامه‌كى بو خوه‌ددانى دڤێت هه‌مى قه‌ناعه‌تا بو خوه‌چێكه‌یى كۆ ئه‌ڤه‌یه‌سه‌رفه‌رازى یا هه‌ردوو پاشه‌روژێن ته‌ل دونیایێ و قیامه‌تێ ژبه‌ر هندێ دڤێتن ب جه ئینانا ئه‌ڤى به‌رنامه‌ى ژ هه‌مى تشتا لنك ته‌ عه‌زیزتربیت .

4- به‌رده‌وام دڤێت ئه‌وان هوكار و شه‌نگستا لده‌ف خوه‌ په‌یداكه‌ى كۆ تویێ خوراگربى لسه‌ر رێڤینگى یا خۆ دا بگه‌هییه‌ئامانجێن خوه‌یێن ئیماندارى.

5- دڤێت توو هنده‌ك راسته‌قینه‌یا بزانى وه‌ك : ده‌مێ تو ب دلسوزى به‌ره‌ف خودێ ڤه‌دچى خودێ دێ به‌رێخوه‌ده‌ته‌ته‌هه‌روه‌سا تو بهوسته‌كێ به‌ره‌ف خودێ ڤه‌هه‌ره‌ئه‌و دێ قولاچه‌كێ به‌ره‌ف ته‌ڤه‌ئێت هه‌روه‌سا ده‌مێ توو ب رێڤه‌چون به‌ره‌ف خودێ ڤه‌دچى خودێ دێ ب غاردان به‌ره‌ف ته‌ڤه‌ئێت ئه‌ڤه‌ژى هه‌مى نیشانا هندێ یه‌كۆ خودایێ مه‌یێ دلوڤانه‌و هه‌ر به‌رژه‌وه‌ندییا مه‌دڤێت،رێڤینگێ رێكا خودێ دڤێت ئه‌وێ ژینگه‌هێ بو خوه‌ په‌یدا بكه‌تن ژهه‌مى لایانڤه‌بو وى ببیته‌هاریكار به‌رده‌وامیێ ب رێڤینگى یا خوه‌بده‌ت وه‌ك ماله‌كا چاك هه‌ڤالێن چاك كارێن چاك جهێن پاقژ و پاك چونكى ئه‌گه‌ر ئه‌ڤێن مه‌گوتین پالده‌رن و رێخوشكه‌رن مروڤ یێ به‌رده‌وام بیتن لسه‌ر رێڤینگى یا خوه‌ب ره‌نگه‌كێ سه‌ركه‌فتى هه‌روه‌سا هه‌كه‌د خراب بن به‌روڤاژى دێ بنه‌ ئاسته‌نگ و دبیت قیبله‌گه‌ها مروڤى ڤه‌گوهێزن ژ راستیێ بو خرابیێ ژ چاكیێ بو گوننه‌هێ .

6- رێڤینگێ رێكا خودێ دڤێت ب كارێن چاك و خه‌بات بۆ رێكا خودێ و بجه ئینانا به‌رنامه‌یێن عیباده‌تى نه‌واستیێت به‌لكى ئه‌ڤه‌هه‌مى دڤێتن دگه‌ل هه‌ستا روحى یا مروڤى ببنه‌له‌ززه‌ت و خوشیا باوه‌ریێ .