پاره و خانى بۆ ههوه
صادق عبدالخالق شوشى
دبێژن: زهلامهكێ ديندار خانيهكێ خوش و جوان ههبوو دگهل خێزان و زارۆكێن خۆ ژيانهكا خوش و شاد و بهختهوهر ب ئارامى و تهناهى پێكڤه د بوراند.
سالهكێ قهيرانهكا دارايى ب سهرواندا هات و حالێ وان نهخوش بوو و دهستێ وان كورت بوو و ئالوزى كهفته ژيانا وان و قهردار بوون، ژبهر ڤێ چهندێ برِيار دا خانيێ خۆ ب فروشن.
د وان دهما دا زهلامهكێ زهنگين هات و خانيێ وان ژێ كرِى و پارێ وان دايێ و دهركهفتن، پشتى هينگێ ب شهڤهكێ ئهو زهلامێ زهنگين مالا خۆ ئينا د وى خانيدا و هاى ژ دهنگێ گريهكێ بوو.
پسيارا ژ خێزانا خۆ كر: ئهڤه كى نه؟ بۆچى دكه نه گرى؟
خێزانا وى گۆت: ئهڤه ئهو كهسن ئهوێن مه خانێ ژێ كرِى.
زهلامى گۆت: ڤێجا بۆ چى دگرين؟
خێزانا وى گۆتێ: يێ ژ عاجزيێن خانيێ خۆدا دكهنه گرى كو يێ فروتى ژ بهر دهست كورتيا خو.
ئهڤ زهلامێ زهنگين گهلهك يێ جامێر و تهقوادار بوو و ئهڤى ههلويستێ داخبار كارتێكرنهكا مهزن لێ كر و گۆته خزمهتكارێ خۆ: ههرِه بێژه وان كهسێت مه خانى ژێ كرِي بلا بهێنه د خانيێ خۆدا و خانى و پاره ههمى بلا بۆ وان بن.
پهند و عيبرهت
ناڤهرِۆكا ڤێ سهرهاتيێ ل سهر دلسوزى و مهردى و جامێريێ يه و ئهڤ سهرهاتيه مرۆڤى هانددهت كو ببيته كهسهكێ دلسوز و مهرد و جامێر د ههمى بياڤ و رۆيدانێت ژيانێدا، چونكى ههر كارهكێ ب دلسوزى نههێته ئهنجام دان خودێ تهعالا ژ مرۆڤى قهبيل ناكهت و ل رۆژا قيامهتێ دێ ل ناڤ چاڤێت مرۆڤى دهت.
و دهربارهى مهردى و جامێريێ پێغهمبهر (سلاڤێن خودێ لسهر بن) دبێژيت: (كهسێ مهرد و جامێر يێ نزيكه ژ خودێ تهعالا و يێ نێزيكه ژ خهلكى و يێ نێزيكه ژ بهههشتێ و يێ دويره ژ ئاگرى).
ب ڤێ چهندێ مرۆڤ نێزيكى خودێ تهعالا دبيت و حهژ مرۆڤى دكهت و مرۆڤى دپارێزيت و مرۆڤ نێزيكى خهلكى دبيت و حهژ مرۆڤى دكهن و سوپاسيا مرۆڤى دكهن و مرۆڤ نێزيكى بهههشتێ دبيت و ژ ئاگرێ دوزهخێ دوير دكهڤيت.
|
