خیانهتێ ل ههڤالێت خوه ج جاران نه کهن
ردوان گولی
ئیمام عهلی خودێ ژێ رازی بیت دبێژیت: ههزار دوژمن نه ئێک ههڤالێ خائین ، جونکه دهمێ تو دبێژی کهسهکێ برا ، ههڤال،دڤێت ههردهم خودێ ل بیرا ته بیت ، هیج جارهکێ هزرا خیانهتێ نه کی ، یهزدانێ دلوڤان د زور ئایهتێن قورئانا پیروزدا بهحسێ کهسێن خیانهتکار یا کری ( وإما تخافن من قوم خيانة فانبذ إليهم على سواء إن الله لا يحب الخائنين) [الأنفال:58]. پێغهمبهرێ نازدار سلاڤێت خودێ لسهر بن یا گوتی ((آية المنافق ثلاث: إذا حدث كذب وإذا وعد أخلف، وإذا ائتمن خان)) متفق عليه ..((لكل غادر لواء يوم القيامة يقال: هذه غدرة فلان))متفق عليه ..
. حهمهد خویندکارهکه بهحسێ خوه دکهت ل قوناغا ئامادهی ، دبێژیت : جارهکێ شهرهدهڤ دناڤبهرا من وخویندکارهکێ سهرکهفتی دا پهیدا بوو ، من بریاردا ئهز وی شهرمزارکهم دناڤ ههمی خواندنگههێ دا ، لروژهکێ ئهز سپێدێ زوی هاتم خواندنگههێ من هندهک جگارێت حهشیشی کرن دناف جانتێ وی ههڤالیدا بهس ئهو نزانیت ، من گوت ئێک ژ ههڤالێت خوه یێت ئهم پێکڤه وان جورێ جگاران دکێشین کا تهلهفونا پولیسان بکه وبێژێ ئهڤه خویندکارهکه جگارێت حهشیشی دفروشیت دناف خواندنگههێ دا ، دهمێ پولیس هاتین ئهو دهستهسهرکر وههمی قوتابیان زانی ئهڤی قوتابیێ زیرهک جگارێت حهشیشی یێت ههین ودفروشیت . پشتی هینگێ من ههست ب نه ئارامیێ کر که من ستهم یا ل کهسهکێ بێ گونهه کری ، دوو سال بورین رویدانهکا ئوتومبێلێ بسهرێ من هات دهستێ من یێ راستێ ژکهست ، ئهز جووم مالا وی ههڤالی من گوتێ من ئازاکه ولمن ببوره من ستهم ل ته کر گوت نه ئهز ل ته نابورم جونکه ته ئهز کرم شهرمزار وئهز نهشێم سهرێ خوه لبهر خهلکی راکهم وگوت ئهز ههر شهڤ دوعا ل ته دکهم ، پشتی دهمهکێ دی رویدانهک دی بو من جێ دبیت ئهز نوکه ژ سهر کورسیکێ نه شێم رابم ، ژیانا من یا بوویه دوزهخ وههمی تشت لبهر جاڤێت من رهشه ، ئهز گهلهک ژ مرنێ دترسم وسزایێ روژا قیامهتێ …
|
