ب تایبه‌ت دژیانا هه‌ڤچه‌رخدا و كه‌ودانێن ئه‌ڤرو ئه‌م تێرا دبورین نیاسینا ده‌رونێ دئێته‌ هژمارتن ژ كارێن گه‌له‌ك گرنگ و پێدڤی لسه‌ر هه‌ركه‌سه‌كی ب رژدی كارلسه‌ر بكه‌ت.
چونكی ئه‌گه‌ر مروڤ گه‌هشته‌ وی ئاستی ب دروستی ده‌رونا خو بنیاسیت ،دێ شێت هه‌می خالێن لاواز و ب هێز د كه‌ساتیا خودا ده‌ست نیشان بكه‌ت ، ئه‌ڤ چه‌نده‌ ژی دئێته‌ هژمارتن خالا ده‌سپێكێ بو گه‌شبون و پێشكه‌فتنا كه‌سی ، ژبه‌ر هندێ ئه‌ڤ كاره‌ هه‌ر د به‌رژه‌وه‌ندا مروڤیدایه‌. ئانكو ئه‌گه‌ر مروڤی نیاسینا ده‌رونێ كره‌ پروژێ خو یێ سه‌ره‌كی گوما تێدانینه‌،دێ روژ بو روژێ به‌ره‌ف به‌رهه‌م و سه‌ركه‌فتنا ڤه‌ چیت له‌ورا ژ كارێن گه‌له‌ك پێتڤی یه‌ بوڤێ مه‌ره‌مێ و ب جه ئینانا ڤی پروژه‌ی ئه‌م دوپاتیێ بده‌ینه‌ سه‌ر ئه‌ڤان خالان:-
1- گرنگیدان ب بابه‌تی ب ره‌نگه‌كێ رژد
2- ره‌وشه‌نبیری و خو شاره‌زاكرن و پرسیاركرن .
3- هزركرن د كه‌ساتیا خودا.
4- راوه‌ستیان لسه‌ر هه‌ردو ره‌نگێن خالێن لاواز و ب هێز.
5- نه‌خشه‌دانان بو به‌رهه‌مداریا خالێن ب هێز.
6- چاره‌سه‌ریا خالێن لاواز.
7- ده‌ستنیشان كرن ب دروستی بێته‌ كرن.
8- چاره‌سه‌ری ببه‌رده‌وامی.
- ب ڤی ره‌نگی دێ پروژێ مروڤی یێ سه‌ركه‌فتی بیت و مروڤ دێ راستیا ده‌رونا خو نیاسیت ودێ مفای ژ شیانێن خو بینی.