چ پێنهڤێت گهنج دهێته ههژمارتن بهرێ بنياتێ ئاڤاكرنا ههر مللهتهكى،و ههلگريێ ئالايێ بهرپرساتيا ئهنجامدانا گهورينێ د ناڤ جڤاكێ خوهدا، و ئهگهر ئهم ژ بو ڤێ چهندێ تهماشهى مێژۆيا مرۆڤاتيێ بكهين دێ بو مه دياريبت ههر مللهتهكێ ڤيايى گهورين و پێشڤهچونێ ب خوڤه بيت گرنگى يا دايه تهخا گهنجان و گهنجێن خو ل سهر بنهمايهكێ دروست و موكوم يێت ئاڤاكرن، باشترين نمونه بو ڤێ ئێكێ ههڤال و سهحابيێن پێغهمبهرێ مه "سلاڤێن خودێ ل سهر بن"بوون، ئهگهر ئهم تهماشهى ژيانا وان بكهين دێ بو مه دياربيت كو ههمى گهنج بوون، و ب هێز و شيانێن خو دگهل پێغهمبهرى راوهستيا بوون ژ بو بلندكرنا ئالايێ ئيسلامێ و ئاڤاكرنا دهولهتا پێغهمبهرى و بهلاڤكرنا ئهوێ ناما پێغهمبهر پێ هاتى،و وهكى يا ديار گهلهك پێنهچوو ئاينێ ئيسلامى ههتا روژههلاتا روژئاڤا بهلاڤكر، ههروهكى پێغهمبهر سلاڤێن خودێ ل سهر بن دگوتنهكا خوه دا دبێژيت: "گهنجان ئهز ب سهرئێخستم و پيرهمێران ئهز لاوازكرم" ئانكو رامانا وێ ئهڤه يه گهنج خودان هێزهكا ڤهشارتى يه و دكاريت ههر كارێ ههبيت بكهت چونكى شيانێن گهلهك ل جهم وان يێت ههين، بكره ژ شيان و هێزا دهرونى و عهقلى و لهشى و گهلهكێن دى، د راستى دا پێدڤى يه ههر گهنجێ ههبيت خودان ئهڤ هزره بيت كو كهسهكێ ب هێز و خورته و گهلهك كار پێ چێ دبن بكهت، ب تايبهتى ئهنجامدانا گهورينێ د خێزان و جڤاكێ خودا.
بهلێ ئهگهر ئهم چهندهكێ ل ڤێرێ ب راوهستين و پرسيارهكێ بكهين و بێژين: ئهرێ گهنجێن ڤى سهردهم ژى ههمى خودان پهيامن و وهكى گهنجێن بهرێ نه؟
ژ بو بهرسڤ دا ڤێ پرسيارێ دێ بێژين ههر چهنده گهلهك كهسێن ژێهاتى و زيرهك ئهڤرو دناڤ جڤاكێن مهدا يێن ههين بهلێ مروڤ دشێت وان كهسان ب تلێن دهستان ب ههژمێريت، ئانكو گهلهك دكێمن، بهلێ ژ ئاليهكێ دى ئهگهر ئهم بهرێ خو بدهينه گهنجان دێ بو مه ديار بيت كو پتريا گهنجێن مه ئهڤرو ب دهستێ بێ كارى و بێ زانست و بێ رهوشهنبيرى و كێم ئاينى ڤه دنالن،مهرهما من نه ههمى گهنجن بهلكو مهرێز بو گهنجێن خودان شيان و ئاين و نشتيمان پهروهر يێت ههين و شانازيێ ژ ب كهسێن وهكى وانا دبهين، بهلێ گهلهك جارا پێدڤى يه مرۆڤ خالا ل سهر پهيڤان دانيت د بشێت ب دروستى هزر و بوچونا خو بگههينيت. ژ بهر ڤێ چهندێ ئهگهر گهنج نه ژ كهسێن خو دان رساله بيت، ب باوهرا من دێ بيته ميكروب بو جڤاكێ خو و ههمى كهس دێ ژ بهر وى كهڤنه دادهكێ، چونكى ئهڤ كهسه نهشێت پاراستنێ ژ خو و وهلاتێ خو ژ ئاينێ خو بكهت بهلكو دێ ههمى تشتێن خو فروشيت بهسا ههتا بشێت مهرمهكا خو ياتايبهت ب دهست خوڤه بينيت، چونكى گهنجێن مه ئهڤرو ههم و خهمێن وانا ههلاويست و ديفچونا ستران بێژو زارڤهكهرانه، و هزرا گهنجێ مه ب هندهك تشتێن نه گرنگ ڤه يا موژيله و يا خو ژبير كرى و يێت بهرزهبوين د ڤێ ژيانێ دا!!!
دبيت هندهك گهنج پرسيار بكهن و بێژن: ئهرێ كى بهرپرسه ژ بهرزهبونا گهنجان د ناڤ جڤاكى دا؟ كى ههيه ب كاريت ئارێشهيێن گهنجان چارهسهربكهت؟
دێ بێژين:
ئێكهم كهسێ گونههبار د ڤێ بابهتى دا گهنج بخوى يه، چونكى ههر دهمێ گهنج گههشته قوناغا زانكويێ و پێههل تر پێدڤى يه ئهبخو بخو ل سهر خو كار كهت و خو د بياڤێن ژيانێ دا پێشڤه بهت.
كهسێن دووێ د بهرپرسيا ل بهرامبهرى مه گهنجان ، دهيك وبابێن مه گهنجانه، دبيت نوكه گهلهك گهنج ههبن دهيك و بابێن وان ئهو يێت پشت گوهـ ڤه هاڤێتين و چ جاران پرسياران واناكهن ب ههڤالينا كێ دكهن و ب چ رهنگ شهڤ و روژێن ژيانا خو د بورينن، يان ئهم دشێن بێژين د ڤى سهردهم دا مه دهيك و بابێن ههڤال نين دگهل كور و كچێن خو، و يا دروست ئهڤه يه دهيك و باب باشترين ههڤال بن بو عهيالێ خو ب تايبهت د ژيێ ههرزهكاريێ دا، و جهێ داغێ يه ئهڤ چهنده گهلهكا كێم ههتا ل دهف كهسێن تێگههشتى ژى،لهوما ب هزرا من گهنجان پێدڤى ب دهيك و بابهك ههڤال يا ههى ههتا كو بشێت د ڤێ ژيانا پرى ئاستهنگدا ب سهركهفتيانه ژيانا خو بورينت.
ههڤال: سێ يهم ئهگهر كو گهنج كهسهكێ بێ نامه و پهيام بيت د ژيانێ دا ئهڤه يه ، ههڤال ب راستى رولى ههڤالى ژ ههمى رولا مهزنتره و ئهگهر هاتو و خودێ نهكهت ههڤالێن مروڤى د خرابوون، ئهڤه دێ مروڤ ژى وهكى وانا لێ هێت، ههروهكى پێغهمبهر سلاڤێن خودێ ل سهر بن دبێژيت: "المرۆ على دينى خليله) ئانكو مرۆڤ يێ ل سهر دينێ ههڤالێ خو ، لهوما ياگرنگه گهنج د ڤى سهردهمى دا تهماشهى ههڤالێن خو بكهت، ئهگهر د باشن ئهڤه مهزنترين نيعمهته خودێ دگهل كرى ، و ئهگهر نه ژى پێدڤى يه ب راوهستين و چهندهكێ هزرا خو دا ههبوونا خودا بكهت دا خو بنياسيت.
چوارهم ئهگهر قوتابخانه و خاندگههـ و زانكۆ نه: ئهڤان دهزگههان ژى رولهكێ مهزن د ئاڤاكرنا كهستيا گهنجى دا يێ ههي چونكى ئهو دهزگههێ فهرمي يێ وهرگرتنا زانين و معريفهتێ يه، لهوما ئهگهر ئهڤ دهزگهه بدروستى ب رولێ خو نه رابن دێ كارتێكرنێ ل كهساتى و دهرونێ گهنجى كهن و دبيت ئهوى توشى گهلهك خهلهتيان بكهن، لهوما پێدڤى يه ههمى مامۆستا ب دروستى ماموستا بن و ب شێن ل ديڤ ئاستێ گهنجان بدوێن و چارهسهريێ بو كێشێن گهنجان بدان، و نه بنه ئهگهرێ رهڤينا گهنجان ژ زانكو و قوتابخانا.
پێنچهم ئهگهر راگههانده: وهكى ئهم د زانين ئهڤرو سهردهمێ جيهان گيريێ يه و دونيا ههمى وهكى گوندهكێ بچيك يێ لێهاتى بهلكو وهكى تهپهكا شيشهكى يا پێچك يا لێ هاتى، و تهكنولوجيا تا رادهكێ مهزن پێشڤهچوون ب خوڤه يا ديتى، و د راستى دا ئهڤ تهكنولوجيا چهكهكێ دوو سهره ئهگهر مروڤى بڤێت دێ بو باشيێ ب كارئينيت ، ئهگهر ژى نه دێ بو خاربيێ بكارئينيت، لهوما يا گرنگه بو مه گهنجان ئهم ئاميرێن ڤێ تهكنولوجيايێ ب باشى بو ژيانا خو بكاربينى دا بشێن بينه گهنجێن ئاڤهكهرێن جڤاكهكێ پێشكهفتى و خودان ئهزمونهكا جوان، بهلێ جهێ داخێ يه ئهڤرو ئهڤێ جيهانگێريێ كارتێكرنهكا مهزن ل سهر دهرونێ گهنجێن مه يا كرى و گهلهك ژ وانا يێت توشي ئيفلجبونێ كرين، ب ئهگهر ب دروستى نهبكائينانا وێ ...
گهلهك ئهگهرێن دى ێت ههين .... ئهگهر مروڤ ل سهر باخڤيت دبيت پهرتوكان ل سهر بنڤيسيت، بهلێ ل ڤێرێ دێ بێژم هيڤيدكهم من درێژنه كريت.... هيڤيدكهم ئهم ههمى ئهو كهس بين ئهڤێن مللهت چاڤهرێ مهتدكهت بو خزمهتكرنێ و ببينه شهمالكهكا گهش خو بسوژين بو دانا روناهيێ و ئهز باوهرم ژى ههر گهنجهك كورد ئهڤرو ئهڤ هزر يا د مێشكى وى دا كو د پاشهروژهكا نێزيك دا بيته ستێرهك يان كهسهكێ بهنياس بو خزمهتكرنا خو ومللهتێ خو .........
ب ئومێدا سهركهفتنێ و ب هێزكرنا كهساتيێ و گيانێ لێبورينێ و ههست خزمهتكرن و پاراستنا ئاينى و نيشتيمانى بو ههر گهنجهكێ كورد ههبيت چ ل ناڤ كوردستانێ ژ دهرڤه ژى بيت....... |
