پێشمهرگه ومیلیشیات |
|
ردوان گولی / سوید |
ئهڤرو دناڤ دهزگههێن راگههاندنێ دا ب گشتی وبتایبهتی یێن سهر ب دهست ههلاتێ ڤه بابهتێ پێشمهرگه ومیلیشیات پشتی هاتیه راگههاندن ژ سهر زارێ ئێک ژ پهرلهمانتهرێن لیستا گوران بناڤێ (عدنان عوسمان) یا گوتی: پێشمهرگه میلیشیاتن بهلێ ناڤبری ڤێ جهندێ بنه راست خویا دکهت وبهیانامهک سهبارهت ڤی بابهتی ژ لایێ لیستا گوران هاته بهلاڤهکرن ، وهکی من پێزانین ههین ئێکهم کهس پهیڤا پێشمهرگه بکارهینای سهرکردێ ناڤدار وسهروکێ ئێکهم کومارا کوردی بناڤێ کومارا مهاباد (کوردستان) قازی محمد خودێ ژێ رازی بیت ئهڤ ناڤ دانایه لسهر جهکدارێن کوردان ورامانا پێشمهرگه ئانکو ئهو کهسێ بهری ههر خهلکێ گیانێ خوه دبهخشیت ژ بو گهل ونیشتیمانێ خوه ، هیج گومان تێدا نینه که پێشمهرگه سومبل ونیشانا خهبات وبهرخودانا گهلێ مهیه وپیروزیهکا تایبهت ههیه لدهڤ هاولاتیان جونکه هیج جیایهک یان نهالهک یان دارهک نینه ل کوردستانێ ئیلا خوینا پێشمهرگێن قارهمان وپلنگێن سهرێ جیایێن کوردستانێ ، ئایه میلیشیات جی یه ؟ ههر هێزهکا فهرمانا ژ کهسهکێ وهرگریت وتایبهت بیت ب پارتهکا سیاسیڤه ودهێن بکارهینان ژ بو شهرێن پارتیزانی وشهرێن ناڤخو ، دڤێت باش بزانین ئهگهر هێزهک ههبیت ژ لایێ راهێنان وپوستان وپێزانینا وهکی کوماندوا بن بهس لسهر بنیاتێ حزباتیا بهرتهنگ بهێت وهرگرتن ئانکو ئێکهم مهرجێ قهبیلکرنێ دناڤ ڤێ هێزێدا دڤێت بجیت پشتگیریا حزبا دهست ههلات بینی ئهڤجا نوکه ل دهوکێ ئێکه ول باژێرێ سلێمانیێ ئێکێ دی یه ، لڤێرێ ئهرێ باشه بو جی لشکهرهکێ ئێکگرتی لسهرانسهری کوردستانێ نینه وحکومهتا ههرێما کوردستانێ مهوالیدا بخازیت ولسهر شنگستێ هاولاتیبوونێ بهن وهرگرتن ، راسته ئازادیا ئهڤروکه ئهم تێدا ژ ئهنجامێ رهنج وخهباتا ڤان شێرێن ماندی نه ناسن ، بهلێ بلا ژ بیرا خوه نه بین ب هزارا گهنجێن هێشتا ژ نهارا ژیێ خوه تێر نهبین هاتن کوشتن دشهرێن ناڤخوی دا وزاروک بینه سێوی وئافرهت مانه بێ خودان .
پهیڤا میلیشا( militia )ژ زمانێ لاتینی هاتیه ب رامانا هندهک ژ لشکهر ی وشهرکهر .
جهته جهحش گروپهکا جهکداره کار وشهری دکهت ژ بهر هندهک دراڤی ودبن کرێگرتی ودهستێن دوژمنا دناڤ وهلاتی دا .
سهخلهتێن میلیشیاتان
١_ کومهکا جهکدارانه فهرمانا کهسهکێ پهیرهودکهت وبهرهڤانیێ ژ مالباتهکێ یان هوزهکێ دکهن .
٢_ بهرهڤانیێ ژ بهرژهوهندیێن تاکه پارتهکێ یان کهسایهتیهکێ دکهن وگهلهک جاران دبن ئارێشا بو گهلان وشهرێن براکوژی لسهر دهستێن وان پهیدا دبن .
٣_ هژمارا وان کێمتره ژ هژمارا لهشکهرێ رێکخستی وحکومی جونکه ههر کومهک یا گرێدایه ب گروپهکێ ڤه یان لایهنهکێ سیاسیڤه .
٤_ رێکێن شهری لدهڤ وان شهرێ پارتیزانی یان شهرێ جادان وناڤ باژێران دکهن زێدهباری زور کلاسیکن دبوارێ لهشکهری دا لسهر ئاستێ جیهانێ .
٥_ هیج رێکخستنهک نینه لدهڤ ڤان گروپان ژ لایێ پلهداریێ ڤه وهکی ئهڤسهر ،میلازم ، عهقید ، لیواء .
٦_ جهکێ وان یێ بجیکه وبساناهی دهێت ڤهگوهاستن ژ جههکێ بو ئێکێ دی وهکی تنڤهنگ ، ئارپیج ، مین ، ووو .
٧_ ههمی توخم ورهنکێن مروڤان تێدا ههنه وهکی گهنج ، پیر ،ساخلهم ونهساخلهم وهیج پیڤهرهک ومهرجهک نینه بو وهرگرتنێ دناف رێزێن واندا .
٨_ نه پابهندن ب رهوشت وتیتالێن لهشکهرێ جیهانی وسهرهدهریهکا هوڤانه لگهل ئێخسیرا دکهن ، نزانن کا دلوڤانی جی یه وجهوانه .
٩_ جلکێن وان نه ئێک رهنگن وهکی لهشکهری فهرمی ولدویڤ پلێت وان هاتبن دروستکرن .
١٠_ خالا ژ ههمیان گرنگتر دهمێ ئێکێ بڤێت بجیت دناڤ میلیشیاتان دا دڤێت پشتگیریێ ژ دهڤ کهسهکێ یان بارهگایهکێ حزبا دهست ههلات بینیت ههتابهێت قهبیلکرن .
|
