چهوا ئهڤرو
تو بهرپهرێن
ژیانا خوه دخوینی
ئهها وهسا
پشتی لهش و گیان
ژێك دویر دبن
-------دێ خو بینی
گهر تو ژ كوما كهسێن چاك بی
لگهل روندكێن دلسوزێن خو
توو.... دێ كهنی
دێ ئاوازا بهختهوهریێ
-------ههردهم ژهنی
دێ ب دلسوزی.... دێ ب پر سوزی
ههردهم بێژی
خودایێ من
توی پهیداكهر....ئهزم بهنی
@@@
ل وێ روژا دبیه سیار
---لسهر داربهستێ
ئهها وهكی روژا ئهڤرو
---دێ كهی ههستێ
ب ههمی دیتن
دێ لهندا گورێ خوه بینی
ڤێجا رابه
دوعاههردهم دوباره كه
---دا دوباره كهی ڤێ رستێ
---دا تو ب گههییه مهبهستێ
@@@
خوداوو
ئهی خودایێ من
ئهو چ كهیفه
دهمێ (مهلهك)سلاڤان
ب ههمی ڤیان
لسهر جانی من دبارینیت
ئهو چ رهوشه
دهمێ نازك گیانێ من
مێرگا بهههشتێ دبینیت
ئهو چ پاشهروژا گهشه
دهمێ مروڤ
ب شهوق و باوهر
بهرپهرێ دویماهی یێ دخوینیت.
|
