| بنیاتێن ژیانێ |
| رابه ،،، كا چهوا خودێ ئهڤ جیهانه ب رهحما خو ئاڤدا توژی دلێ خو ب ڤیانا وی ئاڤ بده |
 |
|
|
| |
| لێگهریان |
 |
|
|
| دیدار و چاڤپێكهفتن |
ئیسماعیل رهڤهندی: راسته قهیرانێت عیراقێ د ناڤخویی نه، بهلێ دهستێت نهێنی و دهوروبهران تێدانه....درێژی |
|
ئیسماعیل رهڤهندی: دڤێت ههست ب لڤلڤيت ب ئازريت سهرهلدانهك د كهساتييێ دا چێببيتن ههتا بشێتن دهنگێ خوه بگههينيت....درێژی |
|
سهعید عهلی عهبو: دڤێت راگههاندن ئهرك و مافێت خهلكى نیشا بدهت و زێدهگاڤیا بهرچاڤ بكهت....درێژی |
|
|
|
|
|
| پرسیار و بهرسڤ |
| |
|
| ژمێریاریا مالپهرێ گازی |
مێهڤانێن نهو د گازیدا |
(
) |
|
(
) |
|
|
|
Untitled Document
دهورىَ دينى ورهوشتان د خوپاراستنيَدا ژ نهساخيا ئهيدزىَ و نههيَلانا وىَ |
|
ئدريس غازى
idreesghazi@yahoo.com |
نهساخيا ئهيدزىَ دئيَته ههژمارتن ترسهك و گهفهكا مهزن ل سهر مرۆڤاتييَ، و رۆژانه قوربانييَن ويَ دگههنه پتر ژ (6) هزار كهسان، ئانكوو دووجاران هندى قوربانييَن كارهساتا (11) ئيلۆنيَ ل ئهمريكا، و حهتا نوكه ب دورستى چو چارهسهرى بۆ نههاتنه ديتن ههر چهنده هندهك دهرمانيَن هاريكار ييَن ههين بهليَ بهاييَ وان گهلهك ييَ گرانه و وهلاتيَن ههژار وهكى وهلاتيَن ئهفريقيا كو بههرا پتر ژ ڤيَ نهساخييَ ل ڤان وهلاتان يا بهلاڤه، ئهڤ وهلاته نهشيَن ڤان دهرمانان بۆ نهساخيَن خۆ دابين بكهن.
ژ كهڤن وهره يا هاتيه گۆتن (خۆپارستن باشتره ژ چارهسهرييَ) نهخاسمه بۆ نهساخيهكا وهكى ئهيدزيَ كو حهتا نوكه چو چارهسهرييَن كاريگهر بۆ نههاتينه ديتن، ب حوكميَ كو ئهڤ نهساخيه زۆربهيا حالهتان دئيَته ڤهگوهاستن و بهلاڤبوون ب ريَكا پهيوهندييَن سيَكسى ييَن نهشهرعى و كارئينانا ترياكيَ و ريَژهيهكا گهلهك كيَم ب هندهك ريَكيَن دى دئيَته ڤهگوهاستن و بهلاڤبوون وهكى دانا خوينيَ ئان كارئينانا هندهك تشتيَن نهساخى. خۆدويرئيَخستن ژ پهيوهندييَن سيَكسى ييَن نهشهرعى و كارنهئينانا ترياكيَ ديَ دهورهكى كاريكهر ئينيت د خۆپارستنيَدا ژ ڤيَ نهساخييَ. ئاشكرايه كو باشترين پالدهر بۆ خۆدويرئيَخستنيَ ژ ڤان تشتان پيَگريه ب دينى و رهوشتيَن باش، لهوا ريَكخستييَن جيهانى ژى دوپاتييَ ل سهر ڤيَ چهنديَ دكهن.
ل ههردوو رۆژيَن (9و10/1/1991)يَ ل بارهگههيَ ريَكخستيا ساخلهميا جيهانى، نڤيسينگهها ههريَما رۆژههلاتا دهريا ناڤهرِاست ل باژيَريَ (ئهسكهندهرييه) ل مسريَ سمينارهك هاته گريَدان ب ئامادهبوون و پشكداريا ريَڤهبهريَ نڤيسينگهها ناڤ ليَ ئيناى و چهندين ريَڤهبهر و شيرهتكاريَن نڤيسينگههيَ و (10) ژ مهزنه زاناييَن دينى و ياساييَ ژ بوسلمان و مهسيحيان (8 بوسلمان و 2 مهسيحى). بابهتيَ سميناريَ دهوريَ دينى و رهوشتان بوو د خۆپارستنيَدا ژ نهساخيا ئهيدزى و نههيَلانا ويَ و نهساخييَن دى ييَن دئيَنه ڤهگوهاستن و بهلاڤبوون ب ريَكا سيَكسى.
پشتى ب دويماهى هاتنا سميناريَ نيڤشكيَ وان ڤهكۆلين و گيَنگهشهييَن هاتينه ئهنجامدان ژ لاييَ ئامادهبووى و پشكدارانڤه هاتنه كۆمكرن و كورتكرن ژ لاييَ (د. محمد سليم العوا) ڤه و نڤيسينگهها ههريَما رۆژههلاتا دهريا ناڤهراست يا سهر ب ريَكخستيا ساخلهميا جيهانيڤه ئهڤ چهنده چاپكر ل سهر رهنگيَ ناميلكهيهكيَ بۆ پتر وهرگرتنا مفاى.
ههرچهنده نهساخيا ئهيدزيَ و نهساخييَن دى ييَن سيَكسى د بهلاڤهنه ل ههمى وهلاتيَن جيهانيَ و ترسهكا مهزنن، بهليَ ب رهنگهكيَ گشتى بهلاڤبوونا ڤان نهساخيان ل وهلاتيَن عهرهبى و ئيسلامى ئهڤيَن د كهڤنه د بن ههريَما رۆژههتا دهريا ناڤهراستڤه يا سهر ب ريَكخستيا ساخلهميا جيهانيڤه يا كيَمه، چونكى حهتا نوكه رهوشت و بهاييَن دينى هيَژ كارتيَكرنا خۆ يا ههى ل ڤان وهلاتان.
دين دانپيَدانيَ ب پيَدڤييَن مرۆڤى دكهت، بهليَ هندهك تخويبان بۆ ددانيت، بۆ نموونه: د بياڤيَ سيَكسيدا ئيسلام ژنئينانيَ حهلال دكهت و ههمى پهيوهندييَن دى ييَن سيَكسى ژ دهرڤهى ڤى چارچۆڤهى حهرام دكهت، و ڤيَ ژنئينانيَ گهلهك ئارمانجيَن ههين، ژ وان: بهردهوامبوونا نفشى و دههمهن پاقژي.
ب ڤيَ چهنديَ دين دشيَت دهورهكيَ كاريگهر بينيت بۆ بهرسينگگرتنا ريَكهكا ژ ههميان مهزنتر بۆ ڤهگوهاستنيَ و بهلاڤبوونا ڤان جۆره نهساخييَن سيَكسى و ل سهريَ وان ئهيدز دئيَت.
ئيَك ژ ريَكيَن بهلاڤبوونا ئهيدزيَ كارئينانا ترياكيَ يه، و ئاشكرايه كو ههمى دينيَن عهسمانى ههر تشتهكيَ زيانيَ بگههينته عهقلى حهرام دكهن و ترياك ژى ژ وان كهرهستايه ئهويَن زيانان دگههيننه عهقلى.
ئيسلام ب تايبهتى و دين ب گشتى ل ڤيَريَ ژى ناراوهستن، بهلكى ههر تشتهكيَ بهريَ مرۆڤى بدهته حهرامى حهرام دكهن دا ريَك ليَ بيَته گرتن، و ل ڤيَريَ ژى ناراوهستن بهليَ هندهك سزايان ژى ددانن بۆ وان كهسيَن سهرپيَچيان دكهن و پيَگرييَ ب راسپاردهييَن دينى نهكهن.
دينى ديتنا خۆ يا تايبهت يا ههى بۆ بابهتيَ ئازاديا كهساتييَ و نابيت ئازاديا كهساتييَ ببيته هيَجهت بۆ گريَدانا ههر جۆرهكيَ ههبيت ژ پهيوهندييَن سيَكسى ييَن نهشهرعى، و دڤيَت تخويبيَ ڤيَ ئازادييَ بهرژهوهندى و مافيَن گشتى بيت، و دهميَ چو سانسۆر نهمينن هينگيَ ديَ بيته بهرهللايى (فوضى).
ژ لايهكيَ ديڤه دين پويتهيهكيَ باش ددهته ساخلهميا مرۆڤى و دكهته پارچهك ژ بير و باوهريَن مرۆڤى، پاقژييَ دكهته ئيَك ژ مهرجيَن دورستيا عيبادهتى و ب تايبهتى ئيسلام پويتهيهكيَ مهزن ددهته چاڤديَرى و سهرهدانا نهساخى و خيَرهكا مهزن بۆ ددانيت.
ريَكخستيا ساخلهميا جيهانى ـ نڤيسينگهها ههريَما رۆژههلاتا دهريا ناڤهراست يا جهرِباندى د بهرِنامهييَن خۆ ييَن ساخلهميدا د گهل وهلاتيَن ئهندام كو هندى عورف و عهدهت و رهوشهنبيريا دهڤهريَ ئهڤيَن د بنياتدا ژ بير و باوهريَن دينى هاتينه وهرگرتن ل پيَشچاڤ بيَنه وهرگرتن، ئهڤ بهرِنامهيه پتر سهركهڤتنيَ ب دهست خۆڤه دئينن و پتر پيَگرى پيَ دئيَته كرن، بهليَ ئهڤه ويَ چهنديَ ناگههينيت كو شيرهت و راسپاردهييَن ساخلهمى پشت گوه بيَنه ئيَخستن بهليَ بهلكيَ مفا ژ ههست و سۆزيَن دينى بيَته وهرگرتن بۆ سهركهڤتنا بهرِنامهييَن ساخلهمييَ.
|
|
